Чăваш халăх юрри - Пĕлĕт пĕлĕт | Текст песни

• Тексты песен
• Чăваш халăх юрри
• Пĕлĕт пĕлĕт

Пĕлĕт пĕлĕт кăвак пĕлĕт
Сан куçу пекех таса
Тусăм ман пĕртен-пĕр ĕмĕт
Яланах килет аса

Вăййа тухрăм Эп курмарăм
Чун юратнă савнине
Киле кайнă чух çеç куртăм
Урăххипе ларнине

Ăна ăшшăн ыталанă
Пуçне хунă ун çине
Сивĕ куçпа пăхса юлчĕç
Эпĕ иртсе кайнине

Сад пахчине кĕрсе лартăм
Иккĕн ларнă сак çине
Куççуль витĕр аса илтĕм
Савни тупа тунине

Хăмăш хăмăш ешĕл хăмăш
Ун пекки татах ÿсет
Ан йĕр атте, ан йĕр анне
Мн пекки татах ÿсет

Атте эпĕ çуралсассăн
Хĕр çуралтăр терĕн-ши
Инçе çула тухса кайса
Нуша куртăр терĕн-ши?

Анне мана çуратсассăн
Ма вăрмана кайман-ши
Хăрăк хурăн тураттинчен
Ма çакса хăварман-ши


Чăваш халăх юрри еще тексты