Хасан Хубиев - Барлыкъ тюлме сени тоюнга (remix) | Текст песни

• Тексты песен
• Хасан Хубиев
• Барлыкъ тюлме сени тоюнга (remix)

Музыка и стихи Хасана Хубиева.

Барлыкъ тюлме сени тоюнга,
Кёл къалды болмазса ангылаб:
Чырмау болмайым джазыуунга,
Тели джюрегиме тынгылаб.
Барлыкъ тюлме сени тоюнга,
Мыдах кёзлеринги кёрмезча,
Бизде джюрекледе оюмну
Джыйылгъан адамла сезмезча.

Кёзлерингде - эки джилтинчик,
Ол джыламукъмуду, кюнмюдю?
Башынгда учхан кёгюрчюнчюк
Мени сюймеклигим тюлмюдю?
Ол кёгюрчюнню кенгден таныб,
Меннге ахыр салам ийсенг а,
Экибизге джокъ эсе насыб,
Сен насыблы болур эсенг а.

Барлыкъ тюлме сени тоюнга,
Билеме, излейсе кёрюрге,
Акъ джаулукъчукъ чырмаб бойнунга,
Кёзлеринг бла салам берирге.
Джюрекни кюйдюрсе къарамынг,
Къачхы чапракъ кибик, къурурма,
Джюрегимде терен джарамы
Кишиге билдирмей турурма.

Хасан Хубиев еще тексты