Тамбийланы Алибек - Къайры барад Къарачай? | Текст песни

• Тексты песен
• Тамбийланы Алибек
• Къайры барад Къарачай?

Сёзлери Эбзеланы Абу-Юсуф хаджини, макъамы - Тамбийланы Алибекни.

Къайры барад къарачай, мен англамайма аны,
Кюнден-кюннге тюрлениб, кёрлюксе адамланы.

Къайры барад сора бу, бузулуб джашы, къарты,
Бу барыу была барса, не болур муну арты?!

Адеби, намысы да къайры кетиб барады,
Нек болуб къалды былай? Халек болуб къалады.

Тюзлюкге сёлешмейди, зорлукъ этген болмаса,
Эрлей даулашыб тебрейд, анда мурат толмаса.

Бир-бири къачын кёрген, хурметин эте билген,
Неда тамада деген, ата-ана сый кёрген.

Кюнден-кюннге адебсиз, кюнден-кюннге хурметсиз,
Кюнден-кюннге уятсыз, хаман бетсизден-бетсиз.

Хар кюнде баш энгишге, алгъа баргъан джугъу джокъ,
Кече-кюн да чабышыб, джюрегинде тогъу джокъ.

Адам хакъдан къоркъмагъан, хоншугъа заран салгъан,
Онгсузну, ёксюзню да, рысламай хакъын алгъан.

Узакъ джерлеге барыб, талай джылланы окъуб,
Келиб ауаз айтсала – айталла джашла къоркъуб.

Анга къаршчы чыгъалла, бир къауумла дау салыб,
Анга кёнделен туруб, даулашыб, аллын алыб.

Къуранны толу билген, шериатны англагъан
Адамны джаратмайла, азды анга тынглагъан.

Бетлеринде джазылыб, къарангыдан ёлелле,
Гяуурдан эсе ала аны эрши кёрелле.

Ала бузулгъандыла, харам рысхыны ашай,
Мыйылары ишлемейд, терс джолда ала джашай.

Сора адам ол ишге не айтыргъа боллукъду?
Мен билген, аллай адам кяфырлыкъгъа джолукъду.

Кяфырлыкъгъа кетгенин ол хариб англамайды,
Кесин муъминнге санайд, хакъгъа уа тынгламайды.

Некди бу халкъ блай тели, динсизликге талпыгъан,
Тюз адамгъа джау болуб, шайтан айтса тынглагъан.

Нек болду бу джарлы халкъ былай тели, акъылсыз,
Адамлыкъны ол сатыб, нек болду ол ангысыз?

Бу эркишид дер кибик, эркиши да къалмады,
Хазна адам адебни къулагъына алмады.

Акъыл кетибми къалды, блай акъылсыз некдиле,
Алгъын ариу къылыкъны, аны барын нетдиле?

Тыш миллет келиб кёрсе, базарда не орамда,
Не айта болур бизге, биз махтансакъ да мында?!

Тамбийланы Алибек еще тексты