Таһир Якупов - Сәяхәтче җыры | Текст песни

• Тексты песен
• Таһир Якупов
• Сәяхәтче җыры

Таныш түгел юллар буйлап
Мин озак йөрдем.
Туган ягым күренерме дип,
Тауларга мендем.
И моңлы туган ягым,
И гүзәл туган ягым,
Тау башында бакча булып,
Төшемә кердең.

Туган яктан ерак китеп,
Диңгезләр кичтем.
Сагыш дигән тирән күлнең
Суларын эчтем.
И моңлы туган ягым,
И гүзәл туган ягым,
Тальян гармун моңы булып,
Җырыма күчтең.

Туган яктан еракта да
Дуслар очраттым.
Ләкин яшьлек дустым калган
Илемә кайттым.
И моңлы туган ягым,
И гүзәл туган ягым,
Бәхетемне читтә түгел,
Мин синдә таптым!..
Источник: http://erlar.ru/node/447

Таһир Якупов еще тексты