... - Сен шынымен жоғалдыңба? | Текст песни

• Тексты песен
• Сен шынымен жоғалдыңба?

Сен шынымен жоғалдың ба?!
Жоғалдың.
Солай шығар,
Шын сүймеген боларсың.
Енді сені өліге мен балаймын,
Сен туралы толғануды доғардым.

Ақымақ-ай!
Бір көрінсең болмай ма?
Табар едім,
Саған барар жол қайда?
Шыр айналған шынашақтай шымшық та,
Шырылдап кеп ұясына қонбай ма?!

О, неғылған дәтің берік пенде едің?!
Тым құрыса бір айналып көрмедің.
Тым құрыса түсіме енші, түсіме,
Түсіме енші!
Шөлдедім-ау, шөлдедім.

11. 1971-Жыл.

(с) Мұқағали Мақатаев.

... еще тексты