Ришат Тухватуллин - Авыл кое | Текст песни

• Тексты песен
• Ришат Тухватуллин
• Авыл кое

Биек тауларның башында
Утырып уйлар уйладым;
Утырып уйлар уйлар өчен
Үскән икән буйларым.

Тальян гармун телләрендә
Уйный биш бармак кына;
Агач яфраклары кебек
Саргаям салмак кына.

Гармун бәләкәй булса да,
Әйтә ул кирәкләрен;
Сикереп суларга төшәрсең,
Янса яшь йөрәкләрең.

Сандугачым, сайрап җибәр,
Талларың тамырлана;
Салкын сулар эчеп кенә
Йөрәгем сабырлана.

Басу капкасын чыккач та
Күтәрелде томаннар;
Дөнья хәлен белеп булмый,
Сау булыгыз, туганнар.

Ришат Тухватуллин еще тексты