Певческая Школа - 5 СЕН.Стихиры на ГосВоззв, глас 4_подобен Яко добля (блгвв. кн. Петра и кн. Февронии) | Текст песни

• Тексты песен
• Певческая Школа
• 5 СЕН.Стихиры на ГосВоззв, глас 4_подобен Яко добля (блгвв. кн. Петра и кн. Февронии)

5 сентября. Перенесение мощей блгвв. кн. Петра, в иночестве Давида, и кн. Февронии, в иночестве Евфросинии, Муромских чудотворцев (1992)

НА ВЕЛИЦЕЙ ВЕЧЕРНИ

На Го́споди воззва́х, гла́с 4 (подобен: Яко добля):

Аще беззакония назриши, Господи, Господи, кто постоит; // яко у Тебе очищение есть.

Прииди́те духо́вне соше́дшеся дне́сь ве́рнии, / на́ша засту́пники восхва́лим, / прего́рдаго зми́я попра́вшия, / Петра́ благочести́ваго, / вку́пе с Февро́ниею, / чудотво́рцы Му́ромския, / я́ко целому́дрия рачи́тели, / Христу́ моля́щияся // о спасе́нии ду́ш на́ших.

Имене ради Твоего потерпех Тя, Господи, потерпе душа моя в слово Твое, // упова душа моя на Господа.
Наста́ ны́не всесве́тлая па́мять ва́ша, / пресла́вный Пе́тре, / с прему́дрою Февро́ниею, / осеня́ющи новоизбра́нныя лю́ди. / Те́м Христа́ моли́те / о спасе́нии все́х, / любо́вию ва́с непреста́нно, блаже́ннии, почита́ющих, // чудотво́рцев Му́ромских.

От стражи утренния до нощи, от стражи утренния, // да уповает Израиль на Господа.
Пе́рвее у́бо прехва́льнии, / от ю́ности ва́шея Христу́ рабо́тасте, / су́щия в ми́ре се́м / я́ко уме́ты презре́вше, / и сего́ ра́ди ми́лостынею и моли́твами / до́бре Тому́ угоди́вше. / Те́м и по сме́рти / исцеле́ние подава́ете все́м, // ве́рою ва́с почита́ющим.

Певческая Школа еще тексты