Отарланы Омар - Зурият ( Омар Отаров ) | Текст песни

• Тексты песен
• Отарланы Омар
• Зурият ( Омар Отаров )

Мен тау жайлыкъда малчы къошха элден келген эдим, ой,
Машина бла ийнек саугъан къызны кёрген эдим.

Андан бери тынчлыгъым кетгенди, сагъышха киргенме, ой,
Ийнансагъыз мен сюймекликни ма ол кюн билгенме.

Ичиме аш да жарашмайды, кёресиз азгъанма, ой,
Сюймеклигими ангылатып беш къагъыт жазгъанма.

Алай аланы бирине да ол жууаб этмейди, ой,
Халгъа кёре Зурият мени алыкъа сюймейди.

Энди алгъынча жырламайма, жарыкъ да кюлмейме, ой,
Зуриятха кесими къалай сюйдюрге билмейме.

Амалсыздан жангы костюм да, къалпакъ да алгъанма, ой,
Эслер эсе деп бууунума сагъат да салгъанма.

Не омакъ кийинип чыкъсам да мени эслемейди, ой,
Ишде алчы болуп да кёрдюм, "аперим!" демейди.

Манга тюйюлгенлей туралла аны эки къашы, ой,
Баям, Зуриятны сюелле саулай элни жашы.

Ийнансагъыз кече жукъламай чыгъама мен танга, ой,
Энди мен не мадар этейим, айтсагъыз а манга?!

Отарланы Омар еще тексты