Мурат Доев - Фандаг | Текст песни

• Тексты песен
• Мурат Доев
• Фандаг

Дард цæуы фæндаг,
’Нæзонгæ бæстæм
Фæкæны дæу.
Ма басæтт тулдз:
Ссаргæ кæй нæу
Дæ фынты бæстæ.

Тулы уæрдоны цалх,
Йæхимæ сайы
’Нæзонгæ дард.
Цъитиджын хæхтæй
Дæ ивгъуыд цард
Кæсы дæ фæстæ…

Арвæй худы хур,
Русыл цæссыг ныссур.
Фæу фæндараст,
Фæу фæндараст…

Фæндагыл зардзæн
Дымгæ дæуæн,
Кæй ис дунейы
Диссаджы ран,
Кæд йæ ыссарын
У дæ нысан
’Мæ дæ бæллæхтæ.

Зон æй: æрцæудзæн бон,
Сæххæст уыдзысты
Фынтæ æппæт.
Æмæ дæ зæрдыл
Лæудзысты уæд
Цъитиджын хæхтæ…

Боны ивддзæн бон,
Фæлæ Ирыстон
Лæудзæн дæ зæрдыл,
Лæудзæн дæ зæрдыл…

Мурат Доев еще тексты