Мацга Төлән / Мацаков Анатолий - Сөөнь ѳрәлин салькн Үгнь Муушан Мууклан Һәрән | Текст песни

• Тексты песен
• Мацга Төлән / Мацаков Анатолий
• Сөөнь ѳрәлин салькн Үгнь Муушан Мууклан Һәрән

Сөөнь ѳрәлин салькн
Седклим мини салвлна!
Сәәхн таңһчасн салхларн
Санандан гемтә боллав

Ээл уга Кубанднь
Ээҗ - аавнрасн хаһцлав!
Элкм мини урсад
Ууляд - унҗад саллав...

Ууляд - унҗад салв чигн
Ут хаалһдан орлав!
Ут хаалһдан орв чигн
Уулс заагар йовлав...

Уул заагар йовад йовхнь
Өмнәс хаһад генүлнә!
Өмнәс хаһад генүлв чигн
Усна көвәднь ирләв..

Усна көвәднь ирв чигн
Орс хамгнь йилһрнә!
Орс хамгнь йилһрв чигн
Ухань минь дүңһцнә...

Маңһдин һазртнь йовхнь
Мандлсн нарн һарна!
Мандлад нарн һарв чигн
Манцин һолнь сангдна...

Сөөнь өрәлин салькн
Седклим мини салвлна!
Седклим мини салвлв чигн
Сәәхн таңһчм сангдна...

Мацга Төлән / Мацаков Анатолий еще тексты