Ким и Казбек Суановы - Уарзга да куы канын | Текст песни

• Тексты песен
• Ким и Казбек Суановы
• Уарзга да куы канын

«Уарзгæ дæ кæнын»
Слова Гиго Цагараева, музыка Ирины Мистуловой

Дæ иу бакастæй дæр циндзинад исын,
ӕрфæнды мæ зарын.
Цы бон дæ нæ фенын, зæрдæйы риссын
Æрмæст уæд æнкъарын.

Дæу кæй уарзын, уый дын куыд зæгъон,
Куыннæ йæ æмбарын.

Дæ мидбылты худтыл худгæ зæрдæйæ
Æдзухдæр æмбæлин.
Мæ рæсугъд дунейы демæ цæугæйæ
Æнусмæ фæцæрин.

Уæд цы кæнон, ныр дын куыд зæгъон:
«Мæ бауарз æндæры!
Ма мын бауадз тызмæг сагъæстæн
Мæ зæрдæ æфхæрын».


Нæ фæстæг фембæлдты дæхи куыд дардтæй,
Æз уымæй æмбæрстон:
«Дæ цинтæ, дæ амонд
Ды кæй ыссардтæй
Кæмæндæр мæ бæсты».

Охх, цы кæнон, куыд-ма цæрдзынæн
Зæрдæ рысты фæстæ?

Куыд хорз-иу уыдысты мæйрухс изæртæ,
Сæ зарджытæ хæхтæн.
Мæ хай кæд нæ фæдæ,
Уæддæр мæ зæрдæ дæу мысгæйæ цæрдзæн.

Диссаг, диссаг æхсидгæ уарзтæн
Рох кæнæн куыд нæй.

Диссаг, диссаг æхсидгæ уарзтæн
Рох кæнæн куыд нæй.
Охх, тæхуды æнувыд уарзтæн
Йæ хорзæх кæй фæци.

Ким и Казбек Суановы еще тексты