Закир Шаһбан & Бәширә Насыйрова - Гәлиә менән Заһир җыры | Текст песни

• Тексты песен
• Закир Шаһбан & Бәширә Насыйрова
• Гәлиә менән Заһир җыры

Йолдызларга йолдыз атылганда,
Очрашканнар көннәр төн белән.
Бу дөньяны белгәнемнән алып,
Синең барлыгыңны мин беләм.

Син кайда, мин шунда, Заһирым,
Ерактан эзләгән якыным.
Йөрәктә кабынган ялкыным,
Син кайда, мин шунда, Заһирым.

Йолдызларга йолдыз атылганда,
Йөрәгемә кунды ялкыны.
Бер ялкыны дөнья балкытырлык
Сөю булгандыр ул, ахыры.

Син кайда, мин шунда, Галиям,
Шатланам, елыймын һәм көләм.
Мәхәббәт алдында баш иям,
Син кайда, мин шунда, Галиям.

Син кайда, мин шунда, Заһирым,
Ерактан эзләгән якыным.
Йөрәктә кабынган ялкыным,
Син кайда, мин шунда, Заһирым.

Йолдызларга йолдыз атылганда,
Гомерләре сүнеп югала.
Ә мәхәббәт гомерләрдән озын,
Мәңге янып, мәңге җырлана.

Син кайда, мин шунда, Галиям, /Заһирым/,
Шатланам, елыймын һәм көләм.
Мәхәббәт алдында баш иям,
Син кайда, мин шунда, Галиям, /Заһирым/.

Закир Шаһбан & Бәширә Насыйрова еще тексты