Гульдания Хайруллина - Төнбөеклар бүләккә | Текст песни

• Тексты песен
• Гульдания Хайруллина
• Төнбөеклар бүләккә

Төнбөеклар бүләккә
Виталий Агапов көе һәм сүзләре

Җәйге таңнан төшәм күлгә,
Төнбөеклар күрергә.
Шушы чәчкәләрне җыеп,
Такыялар үрергә.

Төнбөек чәчкәләренә
Сине охшатам, иркәм.
Ул да боек, син дә боек,
Нигә соң шулай икән?

Төнбөеклар ата төнлә,
Ә син кайчан атарсың?
Күңелеңдә көмеш йозак,
Миңа кайчан ачарсың?

Туган авылым чишмәсенең,
Суларын эчәр идем.
Сөюемне сиңа гына
Сер итеп сөйләр идем.

Чәчләремне дулкынлатып,
Таң җиле исә икән.
Сине күрсәм, шатлыгымнан,
Канатлар үсә икән.

Туган авылым урамының
Талларын кочар идем.
Сөям, диеп әгәр дәшсәң,
Яныңа очар идем.

Гульдания Хайруллина еще тексты