Александр Васильев - Шаккареç кантăкран | Текст песни

• Тексты песен
• Александр Васильев
• Шаккареç кантăкран

Шак-шак-шак шаккарĕç кантăкран
Кантăка эп уçрăм васкаса
Чĕремре халь пит йывăр суран
Хурлăх килчĕ, кĕчĕ ыткăнса

Хурлăх, ма суйларăн эс мана
Эп сана чĕнменччĕ хăнана
Мĕншĕн-ши эс хуçрăн кăмăла
Тăрăшсах лăскарăн чунăма.

Шак-шак-шак шаккарĕç алăкран
Алăка эп уçрăм тăхтаса
Ман шăпам кулатăн пуль манран
Инкек килчĕ, кĕчĕ вăркăнса

Инкек, ма суйларăн эс мана
Эп сана чĕнменччĕ хăнана
Мĕншĕн-ши эс хуçрăн кăмăла
Тăрăшсах лăскарăн чунăма

Кантăка хупмастăп юриех
Çут хĕвел вылятăр шевлипе
Алăка эп уçрăм яриех
Кĕр телейĕм, ан тăр вăтанса

Телей, ман телей ăçта çÿрен
Мĕншĕн-ши вăрах эс кĕттерен
Шанчăка çухатмăп эп пĕрех
Ман пата эс çитĕн пурпĕрех

Александр Васильев еще тексты