Tanien Pone - TSHISHINA KA NATIKUT. Сказка на языке наскапи | Текст песни

• Тексты песен
• Tanien Pone
• TSHISHINA KA NATIKUT. Сказка на языке наскапи

Kuna nateu itakanu. Eku ne ka-uishaushikuaua ekute uieuepinishtamat itakanu nishtam kuna e pimutet napinnit. Tshek ekue aimikut itakanu :
— Nishtuau tshika matenimin, itiku itakanu, tshe ishpishipipuk, pipuki. Pishimuss, tshishe-pishimu mak epishiminishkueu, eukuan tshe matenimin.
— Eshe, iteu.
Eku miautat tshekuannu, itakanu. Kassinu mautau tshekuannu eshpish mishkak : pineua, shishipa, kassinu piminu kie e pipimiushinit, kassinu tshekuannu, namesha kie. Eku itakanu tshek ushkat tekuatshinnit eku munataukaik eku uitsh itakanu, anite napate nasht anite atamitaut tshetshi tat
tshek tshishinniti, kie anite napate muku itutitashu anite tshetshi apishuniti. Eukuan etit itakanu, eku iapishuniti. Tshek ekue uapamat itakanu pishimussa, pishimua. Uiapamat eku kuetuet, piminu kutuatsheu. « Mita ushkat nikutuatsheuati », ekue itat itakanu. « Ka-papatshikunua », ishinueu e shakapueshiniti. Eku iteu itakanu : « Eku eshpish shakapueshit ne, piapatshikut, eku uenuit. Apu nasht
tshitishit. »
Minuat niatikut, eukuannu eku tshitshue, shash an. « Eukuannu minekashish etat », ekue itat itakanu. Iapit piminu kutuatsheu, kie nenua e pimiushiniti nameshtekua. Eku iteu : « Minuat nenu ekuana uenuit, eukuannu meshta-pitshikashut mishkumi. »
Minuat nenu niatikut itakanu, eukuannu tshitshue, tshitshue eukuannu minekash etaniti. « Tshekat ashtueshkamu nitishkuteminu, apu tshi ushkat tshi kutueuk », ekue itat itakanu. « Eukuan eku nasht nikutshinan tshekat », iu itakanu.
« Apu tshi minukatet, tshek ekue minukatet. » Tshek ekue tshi minukashak kuetuet. Piminu eukuannu nameshtekua, namesh-piminu eukuannu eshi-kutuet. «Eukuannu minekash tshitshue epit. Inn tshitshue mishta-papatshikunnu utashtamiku, eku uenuit. Eku katshi unuit niate », ekute anite katshi unuiniti, « ekue unuinashauk », ekue itat itakanu. Unuinashaueu. « ‘Eshe tapue nussim, tshimitunenitenashapan’, nitiku », ekue itat itakanu. ‘Apu minuat tshika nita itashpinet auen tshetshi kutshit, eukuan eshpish mitunenitamin’, itikutshe. Tapue ma apu nita kutshit shuku itakanu innu. Eukuan nanitam itashpinepan itakanu auen e tshishinnit, e kutshit.
Eukuan eshpish tshissenimak.


Tanien Pone еще тексты