Sancto Ianne - Il Canto dei Sanfedisti | Текст песни

• Тексты песен
• Sancto Ianne
• Il Canto dei Sanfedisti

A lu suono de grancascia

viva viva lu popolo bascio;

a lu suono d''o tammurriello

sò risurte li puverielli;

a lu suono de campana

viva viva li pupulane;

a lu sono da viuline

morte alli giacubine!



Sona sona - Sona Carmagnola

sona li consiglia - viva 'o Rre cu la famiglia!



A Sant'Eremo tanta forte

l'hanno fatto comm'a ricotta,

a stu curnuto sbrevugnato

l'hanno miso 'a mitria 'n capa.

Maistà chi t'ha traduto?

Chistu stommaco chi ha avuto?

'E signure, 'e cavaliere

te vulevano priggiuniere!



Sona sona -sona Carmagnola

sona lu cannone,

viva sempe 'o Rre Burbone!



Alli tridece de giugno Sant'Antonio gluriuso

'e signure, 'sti birbante,

'e ffacettero 'o mazzo tanto!

So'venute li Francise

auti tasse 'nce hanno mise.

"Libertè, ègalitè":

tu arruobbe a mme,

ie arrobbe a tte!



Sona…… viva sempe 'o Rre Burbone!



Li Francise so' arrivate,

'nce hanno bbuono carusate

"et voilà, et voilà",

cavece 'nculo a la libertà!

Addò è gghiuta 'onna Eleonora

che abballava 'n copp'o triato?

mo abballa mmiez''o mercato:

'nzieme cu mastu Dunato!

Sona…………viva 'o Rre cu la famiglia!



A lu ponte a Maddalena

'onna Luisa è asciuta prena,

'e tra miedece che vanno

nun la ponno fà sgravà!

Addò è gghiuta 'onna Eleonora

ch'abballava 'ncopp'o triato?

Mo abballa cu 'e surdate,

nun ha pututo abballà cchiù!



Sona ………viva 'o Rre cu la famiglia!



Pronte sò li bastimente,

jate 'e corza pè avvià,

priparateve esultanti

pecchè avite fà partì;

pè lu mare 'nc'è l'inferno

li cancielle songo ardente:

traditure andate in giù,

nun putite arrubbà cchiù!



Sona………viva sempe 'o Rre Burbone



A lu muolo senza guerra

se tirajene l'albero 'nterra,

afferrajeno 'e giacubine

'e ffacettero 'na mappina!

E' fernuta l'eguaglianza,

è fernuta la libertà.

Pè vuie so' dulure 'e panza:

signò jateve a cuccà!



Sona …… Viva 'o Rre cu la famiglia!



Passaje lu mese chiuvuso,

lu ventuso e l'addiruso;

a lu mese ca se mette

hanno avuto l'aglio arrete!

Viva Tata Maccarone

ca rispetta la Religgione.

Giacubine jate a mare

mò v'abbrucia lu panaro!



Sona …….Viva 'o Rre cu la famiglia!

Sancto Ianne еще тексты