Edip Bağçasaraylı - Selâm saña, Qara deñiz! | Текст песни

• Тексты песен
• Edip Bağçasaraylı
• Selâm saña, Qara deñiz!

vk.com/ctmusic

Selâm saña, Qara deñiz, yıllar keçip körüştik.
Menim alım fena degil, tek başıma çal tüşti.
Ya sen, deñiz, neler kördiñ, neçün közüñ yaşlana?
Ağlama sen, buzlar köçti, yañı ömür başlana.

Selâm saña, Qara deñiz, ayt sen maña alıñnı,

Öpem seniñ yañğız qalğan, taşlarıñnı, yalıñnı.
Tek bir şeyni yahşı bilem, sensiñ menim taqatım,
Sennen ağlap, sennen külem, sensiñ menim ayatım.

Eger ölsem, seniñ yalıñ olsun menim mezarım.
"Selâm saña, Qara deñiz!"- kelip aytar ballarım.
Bugün saña dua etem, üzülmesin nesilim,
Menim ömrüm, menim yırım sensiñ, Qara deñizim.

Edip Bağçasaraylı еще тексты