Cliar - A Chailin Mhaiseach Dhonn | Текст песни

• Тексты песен
• Cliar
• A Chailin Mhaiseach Dhonn

A ghruagach a' chuìl shnìomhanaich
Bhean òg is miannach leam
Do phearsa dhìreach chumachdail
'S i chuir mi ort an geall
Is maiseach, banail, cliùteadh thu
'S ro mhodhail aig gach àm
'S tha bhlàth mar dhriùchd na h-iarmailt ort
Mar dheàrrsadh grèin air fonn

'S ann thig an sìod' am fasan
Air do chuailein mhaiseach dhonn
Sùil chorrach is glan sealladh leam
Mar dhearcagan nan tom
Do ghruaidh mar na ròsan
Nuair bhios iad òg is fann
Do shlios mar fhaoileann mara
Neo mar chanach geal nam beann

Mo chailin, ghrìnn, dheas, fhuranach
Tha urram ort nach gann
'S tu thogadh smal is mìghean dhìom
An uair bhiodh m' intinn trom
'S tu dhèanadh tric dhomh ùrachadh
Bu shunndach thogadh fonn
Le guth mar cheòl na fìdhle
Neo mar smeòrach bhìnn nam beann

Ceud soraidh slàn thar chuantan leat
A ghruagach, mhaiseach, dhonn
Le dùil gum faic mi sàbhailt' thu
Bheir mi mo dhàn gu ceann
Ged chaidh thu fad' air astar bhuam
A Ghlaschu nan Gall
'S i Tìr a' Mhurain dhubh-ghuirm
A bu dùthchas dhut bhith ann

English:

Maiden of the ringletted hair
Young woman I desire
Your straight, well-proportioned body
Pledges me to you
You are comely, feminine renowned
And always well-mannered
Your bloom is like the airy dew
Or the sun shining on the land

Silk becomes
Your beautiful ringletted hair
Sharp eyes of clear vision are to me
Like the berries on the bush
Your cheek like the roses
When they are fresh and fragile
Your side like the seagull
Or the bog cotton of the mountain

My fair, lovely, kindly girl
You are held in high regard
You would lift sorrow and discontent from me
When my mind is troubled
You would often refresh me
And would joyfully raise a tune
With a voice like the fiddle's music
Or the sweet thrush of the mountains

A hundred farewells across the ocean to you
Beautiful brown-haired maiden
In the hope of seeing you safe and well
I'll bring my song to a close
Though you wandered far from me
To Glasgow of the Lowlanders
You belong in your native land
Of the blue-black maram grass

Cliar еще тексты