Beniamino Gigli - Ernesto De Curtis. Canta pe' mme! (Libero Bovio) | Текст песни

• Тексты песен
• Beniamino Gigli
• Ernesto De Curtis. Canta pe' mme! (Libero Bovio)

Canta pe' mme stanotte 'na canzona,
Tu ca sì bella e tiene 'a voce d'oro!
Cantammella stanotte e ca si moro,
Moro sentenno 'na bella canzona!

Canta 'na serenata 'e marenare
Ch' 'a tantu tiempo nun se canta cchiù!
Mare! Stanotte quanta varche a mare!
Ma tu nun cante. Ma a che pienze tu?

Canta, ca i' t'accumpagno cu 'a chitarra!
Chisà stanotte nun se sceta 'ammore,
Ll'ammore sfurtunato e cantatore
Ca niente vò: 'nu core e 'na chitarra.


Canta, ca è bella Napule addurmuta,
Connola d'oro pe' chi vò sunnà!
Ma tu che pienze sulitaria e muta?

Ma tu ch'aspiette ca nun vuò cantà?

E pecché chiagne si 'a nuttata è bella
E sì figliola e tiene 'a voce d'oro?
Canta pe' me, pe' me ca mme ne moro,
Moro sentenno 'na canzona bella!

Canta, luntana mia, ca sì turnata,
Ca sì turnata e nun te ne può ghì!
Canta, pecché te tengo 'ncatenata,
Pecché tu sola mm'hê 'a vedè murì!

Beniamino Gigli еще тексты