Ғәли Хәмзин - Елбер-елбер ел иҫкәндә | Текст песни

• Тексты песен
• Ғәли Хәмзин
• Елбер-елбер ел иҫкәндә

Әхмәт Ерикәй һүҙҙәре
Фәрит Хатипов көйө

Елбер-елбер ел иҫкәндә,
Тулҡын уйнай күлдәрҙә.
Иркәмде иркәләгеҙ, тип,
Үҙем ҡуштым елдәргә.

Елбер-елбер ел иҫкәндә,
Бөркән зәңгәр шәлеңде.
Иртән иҫкән яҙғы елдән

Һора минең хәлемде.

Елбер-елбер ел иҫкәндә,
Эйелә-һығыла бөҙрә тал.
Ел шикелле ҡайттым, иркәм,
Тиҙрәк сығып ҡаршы ал.

Елбер-елбер ел иҫкәндә,
Тынғы белмәй аҡ ҡайын;
Һағынып ҡайттым, кил яныма,
Кил, ҡояшым, кил, айым!..

Ғәли Хәмзин еще тексты